दोस्रो सन्तानको बाबु बने विल्सनविक्रम, छोरापछि जन्मिइन् छोरी

काठमाडौं । हास्यकलाकार विल्सनविक्रम राई ‘तक्मेबुढा’ लाई दोस्रो सन्तानका रूपमा पुत्रीलाभ भएको छ । विल्सनकी पत्नी सरिना लामाले छोरीलाई जन्म दिएकी हुन् ।

विल्सनले आफ्नो परिवारमा नयाँ सदस्यको आगमन भएको भन्दै फेसबुकमा सुखद खबर सुनाएका छन् । राईका अनुसार उनीहरूको छोरीको नाम सभ्यता बि राई राखिएको छ ।

‘आज हाम्रो परिवारको नयाँ सदस्य को शुभ आगमन भो । मलाई छोरीको बाबु र मेरो जिवनसाथीलाई छोरीको आमा बन्ने सौभाग्य प्राप्त भो, औधी भाग्यमानी ठानेको छु’

यसअघि राईदम्पतीका एक छोरा छन् । २०७६ साल माघ १५ गते विल्सनको जन्मदिनमै उनीहरूलाई पहिलो सन्तानका रूपमा पुत्रलाभ भएको थियो । विल्सन र सरिनाबीच २०७५ साल फागुनमा विवाह भएको थियो ।