वागमती प्रदेश सभापतिमा केसीको अग्रता, बानियाँ १३ मतले पछाडि
नेपाल प्रेस
२०७८ मंसिर १९ गते २०:०७
हेटौडा । नेपाली कांग्रेस वागमती प्रदेशको सभापति पदका लागि भएको निर्वाचनको दोस्रो चरणको मतगणना जारी छ ।
प्रारम्भिक नतिजामा पहिलो चरणमा दोस्रो बनेका उम्मेदवार जगदीश्वर नरसिंह केसीले अग्रता लिएका छन् । पहिलो ५ सय २ मत गन्दा केसीले २ सय ५६ मत ल्याएका छन् ।
पहिलो चरणमा पहिलो भएका उम्मेदवार ईन्द्रबहादुर बानियाँले भने २ सय ४२ मत ल्याएका छन् । जारी मतगणनामा केसीले १४ मतको अग्रता लिएका हुन् ।
यसअघि पहिलो चरणको निर्वाचनमा बानियाँले ९ सय ९२ र केसीले ८ सय ७२ मत ल्याएपछि आज दोस्रो चरणको मतदान भएको थियो । पहिलो चरणमा तेस्रो भएका उम्मेदवार भीमसेनदास प्रधानले बानियाँलाई समर्थन गरेका थिए ।
नेपाल प्रेस
प्रकाशित: २०७८ मंसिर १९ गते २०:०७
प्रतिक्रिया
सम्बन्धित खवर
