भीमबहादुरलाई न्याय माग्दै बाबुराम भट्टराई सडकमा (तस्बिरहरू)

काठमाडौं । चितवनका भीमबहादुर विश्वकर्माको हत्याविरुद्ध काठमाडौंको माइतीघरमा प्रदर्शन गरिएको छ । जनता समाजवादी पार्टी (जसपा) निकटको शिल्पी विशेष प्रदेश राष्ट्रिय समिति र जसपा दलित मुक्ति संगठनको आव्हानमा सडकमा प्रदर्शन गरिएको हो । भीमबहादुरलाई न्याय माग्दै गरिएको प्रदर्शनमा जसपा संघीय परिषद् अध्यक्ष बाबुराम भट्टराई पनि सहभागी छन् ।

चितवनको भरतपुर महानगरपालिका-४ दुर्गाचोकमा महानवमीका दिन केही युवाको कुटपिटबाट स्थानीय भीमबहादुर विकको मृत्यु भएको थियो ।

प्रदर्शनको क्रममा विकको हत्यारालाई कारबाही गर्न, परिवारलाई उचित राहत तथा क्षतिपूर्ति दिन दबाब दिइएको छ ।