टोकियो ओलम्पिक- ट्युनिसियाका १८ वर्षीय अहमदले जिते स्वर्ण
नेपाल प्रेस
२०७८ साउन १० गते १०:५७
काठमाडौं । ट्युनिसियाका १८ वर्षीय अहमद हफ्नाउलले ४०० मिटर फ्रि-स्टाइलमा स्वर्ण जित्दै विश्वलाई चकित बनाएका छन् । तीन वर्षअघि २०१८ मा अर्जेन्टिनामा भएको युथ ओलम्पिक गेममा आठौं स्थानमा सीमित भएका अहमदले ०.१६ सकेन्डले स्वर्ण पदक जितेका हुन् ।
उनले अस्ट्रेलियन स्वीमर ज्याक म्याकलोघ्लिनलाई पछाडि पार्दै स्वर्ण खोस्दा कास्य अमेरिकी खेलाडी केइरन स्मिथको नाममा रह्यो ।
२०१२ ओलम्पिकपछि ट्युनिसियाका लागि पहिलो स्वर्ण जितेका अहमदले ३ मिनेट ४३.३६ सेकेण्डमा दूरी पूरा गरेका थिए । उनी ट्युनिसियाबाट स्वर्ण पदक जित्ने पाँचौं खेलाडी बनेका छन् ।
अहमदका बुबा मोहमद ट्युनिसियाली राष्ट्रिय बास्केटबल टोलीका सदस्य थिए ।
नेपाल प्रेस
प्रकाशित: २०७८ साउन १० गते १०:५७
प्रतिक्रिया
सम्बन्धित खवर
