युरो २०१६ को ‘टाइटल विनिङ’ गोल गरेका एडर कहाँ छन् ?
नेपाल प्रेस
२०७८ असार ९ गते १५:११
काठमाडौं । युरो २०१६ को फाइनल अगाडिसम्म एडर पोर्चुगिज टोलीकै सबैभन्दा कम प्रसिद्ध खेलाडी थिए । यद्यपि, फाइनलमा घरेलु टोली फ्रान्सलाई १–० ले पराजित गरेर पोर्चुगलले पहिलो अन्तर्राष्ट्रिय उपाधि जित्दा एक मात्र निर्णायक गोल गरेका एडर पोर्चुगिज टोलीका ‘हिरो’ सावित भए ।
आज पाँच वर्षपछि युरो २०२० को समूह एफको अन्तिम चरणको खेलमा पोर्चुगल र फ्रान्स भिड्दैछन् । आजको खेल प्रतियोगितामा अगाडि बढ्नका लागि पोर्चुगलका लागि फाइनल जत्तिकै महत्त्वपूर्ण छ । र, धेरैका लागि त्यो फाइनलको अरिरिक्त समयमा विजयी गोल गरेका पोर्चुगिज फरवार्ड कहाँ छन् भन्ने कौतुहलता जागेको छ ।
कहाँ छन् एडर ? युरो २०१६ का हिरो कहाँ व्यावसायिक फुटबल खेल्छन् ?
त्यो विजयी गोलसँगै एडरले पोर्चुगिज फुटलबको इतिहासमा आफ्नो नाम स्वर्ण अक्षरमा लेखे । यद्यपि, करिब पाँच वर्षपछि एडर युरो २०२० का लागि घोषणा भएको पोर्चुगिज टोलीमा परेनन् ।
View this post on Instagram
एडर रुसी क्लब लोकोमोटिभ मस्कोबाट व्यावसायि फुटबल खेल्छन् । ३३ वर्षीय एडरले गत सिजन २८ खेलमा २ गोल र एक असिस्ट मात्रै गर्न सकेका थिए । सन् २०१८ मा रुस पुगेका एडरले त्यसअघिका दुई सिजन फ्रेन्च क्लब लिलेमा बिताएका थिए ।
नेपाल प्रेस
प्रकाशित: २०७८ असार ९ गते १५:११
प्रतिक्रिया
सम्बन्धित खवर
