विपद्का बेला तत्काल उद्धारमा जुट्न निवर्तमान सांसद भट्टराईको अपिल

पोखरा ।  विघटित प्रतिनिधि सभाका सदस्य बिद्या भट्टराईले बर्षायाम शुरूवात भएसंगै देशका विभिन्न स्थानमा गएको बाढी पहिरो लगायतका प्राकृतिक प्रकोपले आफ्नो गम्भीर ध्यानाकर्षण भएको भन्दै उद्धार र राहतका कार्यमा जुट्न सबैमा अपिल गरेकी छन् । भट्टराईले बुधबार सामाजिक सञ्जाल फेसबुकमाा एक सार्बजनिक अपिल  जारी गर्दै यस्तो अपिल गरेकी हुन् ।

बर्षायाम सुरु भएपछि धेरै बस्ती जोखिममा भएकाले अहिले सुरूकै अबस्थामा  बर्षाले मनाङ र सिन्धुपाल्चोक, कास्की र स्याङ्जामा अधिकतम असर पुगेको भन्दै पिडितको उद्धार र राहतका काममा राज्यका सम्पुर्ण संयन्त्रको प्रभावकारी परिचालनमा जुट्न तिनै तहका सरकारलाई आग्रह गर्दै सचेततापुर्बक सहयोगमा जुट्न आम नागरिकलाइ आग्रह समेत गरेकी छन् । उनले बिपदमा परि ज्यान गुमाउनेप्रती श्रद्धाञ्जली व्यक्त गर्दै पीडितको शिघ्र स्वास्थ्य लाभको कामना समेत गरेकी छन् ।

उनले लेखेकी छन् , ‘क्षति हुन नदिनका लागि सम्बन्धित निकायले समयमा नै अनुगमन र उद्धारकार्यमा जुट्नु पर्ने भएको छ ।  जोखिममा परेका क्षेत्रको दिगो संरक्षणका लागी समेत थप योजना बनाई कार्यान्वयनमा जानुपर्ने आवश्यकता देखिएको छ ।’ उनले वातावरणमैत्री विकासको अबधारणा सबैतिर कडाइका साथ लागू गर्नुपर्नेमा पनि जोड दिएकी छन् ।