बेटिससँग बराबरीमा रोकिएपछि रियल मड्रिडको उपाधि लक्ष्यमा धक्का

एजेन्सी । सिजनको अन्त्यतिरका निर्णायकमध्येको खेलमा रियल बेटिससँग गोलरहित बराबरीमा रोकिएपछि रियल मड्रिडको स्पेनिस ला लिगा जित्ने आशामा धक्का पुगेको छ ।

रियल मड्रिड यो बराबरीपछि शीर्ष स्थानको एट्लटिको मड्रिडभन्दा २ अंकले पछाडि छ भने तेस्रो स्थानको बार्सिलोनाभन्दा ३ अंकले अगाडि छ । तर बार्सिलोनाले २ खेल कम खेलेको छ ।

रोड्रिगोको एउटा प्रहार क्रसबारमा लागेपछि साविक विजेता रियलले अग्रता बनाउन चुकेको थियो । म्यानुअल पेलेग्रिनीद्वारा प्रशिक्षित रियल बेटिसले यस सिजन उत्कृष्ट प्रदर्शन गरिरहेको छ र उसको युरोपा छनोट हुने सम्भावना प्रवल छ ।

बेटिसका लागि गुइडो रोड्रिग्वेजले सृजना गरेको एउटा शानदार अवसरलाई रियलका गोलरक्षक थियावट कोर्टवाले असफल पारिदिएका थिए ।

प्रतिक्रिया

Leave a Reply

Your email address will not be published. Required fields are marked *