माओवादी नेता गुरुङले सार्वजनिक गरे फिल्म ‘दुष्प्रयास’ पोस्टर, असार २५ गते फिल्म प्रदर्शन हुने

काठमाडौं। महिला हिंसाबारे निर्माण भएको फिल्म ‘दुष्प्रयास’ले फस्टलुक पोस्टर सार्वजनिक गरेको छ । माओवादी केन्द्रका स्थायी कमिटी सदस्य देव गुरुङले पोस्टर लन्च गरे ।

दिनेश लिङ्देन निर्देशित फिल्म असार २५ गते प्रदर्शन हुने भएको छ । कोरोनाभाइरस महामारी साम्य भए यो फिल्मलाई उक्त मितिमा प्रदर्शन गरिने जानकारी आयोजित प्रेसमिटमा दिइयो ।

फिल्मका कथाकार तथा निर्देशक लिङ्देनले कोभिड महामारीको अवस्थामा पनि आफूले जोखिम मोलेरै रिलिज गर्न लागेको बताए ।

फिल्ममा निशा पोमु लिम्बु, सोम लामा, प्रिजन श्रेष्ठ, सुस्मीता कार्की, अजय खडका, कल्याण राई, निरु महत, देविका खड्का, प्रदिप योङहाङ, दिलिप ठकुरी, महेन्द्रकुमार राई, विवेक बेघा लिम्बु, छेवाङ लामा तथा बाल कलाकार सुदिता लिङदेनको अभिनय छ ।

जानु काम्बाङ लिङ्देन र शंकर अधिकारी घायलको गीत, विकास चौधरी, राजकुमार बगरको संगीत, राजेशपायल राई, अमृता लिम्बु, दिनेश लिङ्देन र श्रेयसी चेम्जोङको स्वर छ । सुमित लिङ्देनको प्रस्तुति रहेको फिल्ममा जनक कार्कीको नृत्य, राजु किराँतीको द्वन्द्व र ज्ञानु राईको छायांकन छ ।