क्याम्प छाडेर प्रदीप र दिनेशको टीमअप, टिक्ला सहकार्य ? – Nepal Press

क्याम्प छाडेर प्रदीप र दिनेशको टीमअप, टिक्ला सहकार्य ?

काठमाडौं । नेपाली फिल्ममा कलाकारले आफ्नो मुडअनुसार क्याम्प बदल्नु सामान्य कुरा हो । यस्तो देखिन्छ -सँधै एउटै क्याम्पमा रहेर काम गर्ने पहिलेदेखिको ट्रेन्डलाई नयाँ पुस्ताका कलाकारले पछ्याउन छाडेका छन् ।

प्रेमगीत सिरिज र आसुसेन फिल्मसभन्दा बाहिरको फिल्म हत्तपत्त नगर्ने अभिनेता प्रदीप खड्काले पहिलोपटक निर्देशक दिनेश राउतसँग सहकार्य गर्दैछन् । राउतले पनि क्याम्प छाडेर खड्कालाई आफ्नो नयाँ प्रोजेक्टमा अनुबन्धित गरेका छन् ।

राउत प्रायः आफ्ना फिल्ममा सँधै नम्रता श्रेष्ठलाई लिने गर्थे । यसपटक भने उनले नयाँ फिल्म ‘प्रकाश’मा प्रदीप र डेब्यु गर्ल रेणु योगीलाई कास्ट गरेका छन् । ‘जोसँग काम गर्दा सजिलो हुन्छ, त्यो सँग काम गर्छु’ प्रदीपलाई च्याप्न थालेको भन्ने जिज्ञासामा दिनेशले भने ।

पहिलोपटक सँगै काम गर्न लागेको र काम गर्दै जाँदा भविष्य निर्भर हुने दिनेशले बताए । प्रदीपले कलाकारितालाई गम्भिरताका साथ लिने गरेको भन्दै दिनेशले खुशि व्यक्त गरे । सहकार्यप्रति दिनेश र प्रदीप दुबै खुशि छन् तर कसरी सम्बन्ध अगाडि बढ्छ, त्यो भविष्यले बताउला ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर