कार्यकाल थप्न देउवाले बोलाए केन्द्रीय समिति बैठक – Nepal Press

कार्यकाल थप्न देउवाले बोलाए केन्द्रीय समिति बैठक

काठमाडौं । तोकिएको मितिमा महाधिवेशन हुन नसक्ने भएपछि केन्द्रीय समितिको म्याद थप्न सभापति शेरबहादुर देउवाले पार्टीको बैठक बोलाएका छन् ।

कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार कांग्रेस केन्द्रीय समितिको बैठक यही फागुन ५ गते बुधबार दिउँसो दुई बजे सानेपामा बस्नेछ ।

सभापति देउवा नेतृत्वको कार्यसमितिको कार्यकाल यही फागुनसम्म छ । २०७२ फागुनमा निर्वाचित कार्यसमितिले विधान अनुसार ४ वर्षमा महाधिवेशन गर्न नसकेपछि विधान बमोजिम नै एक वर्ष थप गरिएको थियो ।

थप गरिएको अवधिमा पनि महाधिवेशन नहुने भएपछि कांग्रेसले अब संविधानको सहारा लिनेछ । संविधानमा राजनीतिक दलको अधिकतम पदावधि साढे ५ वर्ष हुने व्यवस्था छ । सो व्यवस्था अनुसार नै २०७८ भदौसम्म कांग्रेसको कार्य समितिकाे पदावधि लम्ब्याउन लागिएको हो ।

पछिल्लोपटक माघ मसान्तसम्म क्रियाशील सदस्यता केन्द्रमा बुझाउने म्याद तोकिए पनि ७६ जिल्लाले सूची बुझाउन बाँकी नै छ । सभापति देउवा २०७८ भदौका लागि महाधिवेशनको मिति तोक्ने तयारीमा छन् । यसअघि फागुन ७ गतेदेखि काठमाडौंमा कांग्रेसको १४ औं महाधिवेशन हुने तय भएको थियो ।

प्रतिक्रिया

Leave a Reply

Your email address will not be published.

सम्बन्धित खवर