विश्व नम्बर दुई नाडाल अस्ट्रेलियन ओपनको तेस्रो चरणमा

काठमाडौं । विश्व नम्बर दुई राफेल नाडाल सिजनको पहिलो ग्रान्डस्लाम अस्ट्रेलियन ओपनको तेस्रो चरणमा प्रवेश गरेका छन् ।

बिहीबार भएको दोस्रो चरणको खेलमा अमेरिकी खेलाडी माइकल एमोलाई ६–१, ६–४, ६–२ को नतिजामा पराजित गर्दै २० पटकका ग्राण्डस्लाम च्याम्पियन नाडाल तेस्रो चरणमा पुगेका हुन् ।

पहिलो चरणमा सर्बियाका लास्लो जेरेलाई ६–३, ६–४, ६–१ को सोझो सेटमा पराजित गरेका नाडाल तेस्रो चरणमा क्यामरोन नोरी र रोमन साफुल्लिनको विजेतासँग भिड्ने छन् ।