तीन अन्तरिक्ष यान मंगल ग्रहमा ल्यान्ड गर्दै, युएईको रोभर पर्सि मंगलमा उत्रने

काठमाडौं । फेब्रुअरी महिनाभित्रै तीन अन्तरिक्ष यानले मंगल ग्रहमा अवतरण गर्दैछन् । नासा, चीन र संयुक्त अरब एमिरेट्सका तीन रोबोटले केही सातामै रातो ग्रहमा ल्यान्ड गर्नेछन् ।

मंगल ग्रहमा एलियनसहित सतहमा पानी र खनिजको अस्तित्व खोजी एवं उक्त ग्रहको मौसम परिवर्तनबारे यी यानले खोजी गर्ने भएका छन् । यी तीनै स्पेसक्राफ्ट सन् २०२० को जुलाइमा प्रक्षेपण गरिएका थिए ।

मंगल ग्रह पृथ्वीको कक्षको नजिक आउँदा केही दिनको फरकमा यी तीन रोबोट प्रक्षेपण गरिएका थिए । सूर्यलाई घुम्दै पृथ्वीको नजिक आउँदा गरिएको रोबोट प्रक्षेपणले यात्राको समय र खर्चलाई कटौती गर्ने बताइएको थियो ।

फलस्वरुप यसै महिनाभित्र मंगल ग्रहमा दुईवटा रोबर्स, दुई अर्बिटर्स र एउटा हेलिकोप्टर पुग्नेछन् । नासाको प्रिजर्भेन्स रोबोट दुई साताभित्र ल्यान्ड गर्ने जनाइएको छ । नासाको यो रोबोटले एलियनको जीवनको खोजी गर्दै एउटा हेलिकोप्टर उडाउनेछ ।

चीनले चाहिं अर्बिटर, ल्यान्ड र रोबर तीनै यान पठाउनेछ । चीनको यो प्रयास सफल भए मंगलको कक्षमा स्पेसक्राफ्ट पठाउने चीन पहिलो मुलुक बन्नेछ । चीनले स्पेस भेहिकल पनि पठाएको छ । चीनले चाहिं मंगलमा पानीको खोजी गर्नेछ ।

संयुक्त अरब एमिरेट्सको अर्बिटरको नाम चाहिं अल एमल हो । नेपालीमा यसको नाम हुन्छ –आशा । अरब मुलुकको तर्फबाट यो पहिलो मंगल मिसन हो । यो रोभरले मंगल ग्रहको जलवायु परिवर्तनबारे अनुसन्धान गर्नेछ । फेब्रुअरी ९ मा यो स्पेसक्राफ्ट मंगल सतहमा अवतरण गर्नेछ ।