जेफ बेजोसले अमेजन सीइओबाट राजिनामा दिने

काठमाडौं । अमेजनका मालिक जेफ बेजोसले वर्ष २०२१ को अन्त्यमा प्रमुख कार्यकारी अधिकृत (सीइओ)बाट राजिनामा दिने भएका छन् । एन्डी जेसी लगत्तै अमेजनको सीइओमा नियुक्त हुने भएका छन् ।

विश्वका प्रतिष्ठित धनाढ्य समेत रहेका बेजोस चाहिँ अमेजनको कार्यकारी बोर्डमा मात्र रहने भएका छन् । सीइओ छाडेपछि बेजोस नयाँ उत्पादन र अभियानमा केन्द्रित हुने अन्तराष्ट्रिय संचारमाध्यमले जनाएका छन् ।

तर, बेजोसले जुनसुकै बेला सीइओ छाड्ने अड्कलबाजी गरिएको छ । नयाँ सीइओमा नियुक्त हुन लागेका जेसीले अमेजन वेभ सिरिज सुरुआत गरेका थिए । इन्टरनेट भनेको के हो भन्ने प्रश्न विश्वले गरिरहँदा अमेजनको सुरुआत भएको थियो । तत्कालै इन्टरनेटको विकास भएको थियो ।

अमेजनका कर्मचारीलाई संक्षिप्त इमेल प्रेषण गर्दै बेजोसले नयाँ चिन्तन र आविष्कारका लागि आफूले सीइओ पद छोड्न लागेको बताएका छन् ।