प्रचण्डको अध्यक्षतामा विभाजित नेकपाको बैठक शुरू, पार्टी नफुटेको नेपालको दाबी – Nepal Press

प्रचण्डको अध्यक्षतामा विभाजित नेकपाको बैठक शुरू, पार्टी नफुटेको नेपालको दाबी

काठमाडौं । प्रचण्ड-माधव नेपाल नेतृत्वको नेकपाको केन्द्रीय कमिटी बैठक काठमाडौंको कार्की पार्टी प्यालेसमा शुरू भएको छ । प्रचण्डको अध्यक्षतामा बसेको बैठकलाई शुरुमै सम्बोधन गर्दै माधव नेपालले विधान बमोजिम नै बैठक बसेको बताए ।

अध्यक्षको परामर्शमा महासचिवले बोलाएको बैठकलेमात्र बैधानिकता पाउने भनी निर्वाचन आयोगले निर्णय गरेपछि प्रचण्ड-माधव पक्षले २५ प्रतिशत केन्द्रीय सदस्यको निवेदनमा अध्यक्ष प्रचण्डले बैठक बोलाएको दाबी गरेको छ ।

बैठकलाई सम्बोधन गर्दै नेपालले आफूहरु नै मूल पार्टी भएको र केन्द्रीय कमिटीको दुई तिहाई वहुमत आफूहरुसँगै रहेको बताए । नेपालले पार्टीमा गम्भीर संकट आए पनि विभाजन नभएको बताए ।

नेपालपछि प्रचण्डले बैठकलाई सम्बोधन गरेका छन् । बैठकले महासचिवबिना बैठक अघि बढाउन सहज हुनेगरी विधान संशोधन गर्दैछ ।

प्रतिक्रिया

Leave a Reply

Your email address will not be published.

सम्बन्धित खवर