वाग्मतीले लुम्बिनीलाई दियो २२१ रनको लक्ष्य

काठमाडौं । वाग्मती प्रदेशले प्रधानमन्त्री कप राष्ट्रिय पुरुष क्रिकेट प्रतियोगितामा लुम्बिनी प्रदेशलाई २२१ रनको विजय लक्ष्य दिएको छ ।

मूलपनी क्रिकेट मैदानमा टस जितेर ब्याटिङ थालेको वाग्मतीले निर्धारित ५० ओभरमा ९ विकेट गुमाएर २२० रनको योगफल तयार गरेको हो
।

वाग्मतीका लागि ओपनरद्वय आकाश थापाले ३९ तथा अदिल खानले ५५ रन जोडे । त्यसतै इशान पाण्डेले ५१, पृथु बास्कोटाले २९ तथा कप्तान ज्ञानेन्द मल्लले १४ बाहेक अन्य ब्याट्सम्यानले उल्लेख्य प्रदर्शन गर्न सकेनन् ।

लुम्बिनीका लागि दिपेन्द्र रावतले ३ तथा कप्तान कृष्ण कार्की र सन्दीप सुनारले २÷२ विकेट लिए । बिक्रम भूसाल र अनिल खरेलले १/१ विकेट चट्काए ।

समूह ‘बी’ मा अपराजित रहेको बाग्मती आजको खेलमा जित हासिल गरे सेमिफाइनलमा पुग्ने छ । लुम्बिनीले जित हासिल गरेको अवस्थामा उसको पनि सम्भावना बलियो बन्ने छ ।