प्रचण्ड-माधव पक्षको शक्ति प्रदर्शन भाेलि, यस्तो छ कार्यकर्तालाई निर्देशन

काठमाडौं । विभाजित नेकपाको प्रचण्ड-माधव पक्षले शुक्रवार सरकारविरुद्ध काठमाडौं वृहत शक्ति प्रदर्शनको तयारीका क्रममा कार्यकर्ताका लागि ७ बूँदे निर्देशिका जारी गरेको छ ।

नारायणकाजी श्रेष्ठ नेतृत्वको केन्द्रीय संघर्ष समितिले प्रत्येक प्रदेश,जिल्ला र जनवर्गीय संगठनलाई संख्या तोकेरै सहभागी जुटाउन निर्देशन दिएको छ ।

सहभागीहरुलाई माघ ९ गते विहान पौने ११ बजेसम्म निर्धारित ‘आर्क’ (स्थल) मा अनिवार्य भेला भइसक्न उर्दी जारी गरिएको छ ।

हरेक संगठनले र कमिटीले कार्यक्रममा सहभागी हुने कायर्यकर्ताको नाम,ठेगाना र फोन नम्बर सहितको कुल सहभागी संख्या बुझाउन समेत निर्देश गरिएको छ ।

काठमाडौंमा विभिन्न ९ ठाउँबाट जुलुस निस्कने र प्रत्येक जुलुसको नेतृत्व स्थायी कमिटीका नेताले गर्ने भएका छन् ।

यस्तो छ,प्रचण्ड माधव पक्षको निर्देशिका