प्रदीप सापकोटाको ‘यात्राका इन्द्रेणी रङ’ सार्वजनिक – Nepal Press

प्रदीप सापकोटाको ‘यात्राका इन्द्रेणी रङ’ सार्वजनिक

काभ्रे ।  नियात्राकार प्रदीप सापकोटाको ‘यात्राका इन्द्रेणी रङ’ काभ्रेकाे पनौती नगरपालिकामा बिमोचन भएको छ ।

पनौती नगर प्रमुख  भिम न्यौपानेको प्रमुख आतिथ्य एवं विशिष्ट अतिथि  मोहन दुवाल,  श्रीओम श्रेष्ठका साथै डा. विदुर चालिसे, डा. सुमनराज ताम्राकार, जय छाङ्छा, रामहरि सुवेदी, इन्द्र प्रसाद अधिकारी, दीपक सापकोटा लगायतले पुस्तकको बिमोचन गरेका थिए ।

नियात्रा सङ्ग्रह लोकार्पण कार्यक्रममा बोल्दै नगर प्रमुख न्यौपानेले नगरपालिकाले विकास निर्माणका साथै साहित्य, कला, संस्कृतिको क्षेत्रमा समेत काम सुरु गरेको बताए । उनले आगामी दिनमा पनि नगरले यी क्षेत्रहरुमा निरन्तर काम गर्ने प्रतिवद्धता जनाए ।

कार्यक्रममा बरिष्ठ साहित्यकार मोहन दुवालले काभ्रे साहित्यकार उत्पादन गर्ने जिल्लाको रुपमा परिचित बनेको बताए । उनले काभ्रे साहित्यकार, कवि, गायक जन्माउने जिल्ला रहेको बताए ।

कार्यक्रममा बरिष्ठ साहित्यकार श्रीओम श्रेष्ठ ‘रोदन’ ले सापकोटाले पहिलो कृतिको रुपमा नियात्रा सङ्ग्रह ल्याएपनि त्यसमा अब्बल नियात्रामा हुनुपर्ने गुणहरु रहेको बताए ।

शाब्दिक बुक्सले प्रकाशन गरेको नियात्राकार प्रदीप सापकोटाको ‘यात्राका इन्द्रेणी रङ’ माथि निबन्धकार, पत्रकार दीपक सापकोटाले समीक्षात्मक टिप्पणी गरेका थिए । उनको नजरमा यो नियात्रासङ्ग्रहले पूजीवादहरुलाई व्यङ्ग्य प्रहार गर्दै यात्राको मीठो स्वाद पस्केको पुष्टी भएको बताए ।

जय छाङ्छाले यात्रा र नियात्राको विशेषतामाथि प्रष्ट पार्दै सापकोटाको नियात्राले पाठकलाई सत्यताको उज्यालो देखाएको बताए ।

प्रतिक्रिया

Leave a Reply

Your email address will not be published.