अन्नपूर्ण होटल केही समयका लागि पूर्ण बन्द

काठमाडौं । केभिड–१९ का कारण पर्यटक नआएपछि होटल डेल अन्नपूर्ण केही समयका लागि पूर्णरुपमा बन्द भएको छ । काठमाडौंस्थित पाँचतारे होटलका रुपमा रहेको डेल अन्नपूर्णले खर्च धान्न नसकेपछि बन्द गरिएको संचालक समूहले जानकारी दिएको छ ।

होटलकी संचालिका सृजना राणाले होटल तत्कालका लागि बन्द भएको बताएकी छन् । अन्नपूर्ण होटल केही बर्षका लागि मात्र बन्द भएको हो । सधैका लागि बन्द भएको होइन नेपाल होटल एसोसिएसन (हान) का महासचिव साजन शाक्यले बताए ।

‘होटल सधैका लागि बन्द हुने हो भने पहिला हानलाई जानकारी हुन्छ । अहिलेसम्म हामीलाई यसबारेमा कुनै जानकारी आएको छैन,’ उनले भने । हानका अनुसार कोरोनाका कारण होटल बन्द भइरहेकाले अन्नपूर्णले पनि केहि समयका लागि मात्र बन्द गरेको हो ।

अहिलेको अवस्थामा कुनै पनि होटलहरुले खर्च धान्न सकिरहेका छैनन्, त्यसैले अन्नपूर्णले पनि केही समयका लागि मात्र होटल बन्द गरेको हो,’ उनले भने । कोरोनाका कारण होटल बन्द भएपछि पछिल्लो समय पाँचतारेदेखि एकतारेसम्मका होटलमा रहेका मजदूर तथा कर्मचारीलाई न्यूनतम तलब मात्र दिइएको हानले बताएको छ ।

त्यो पनि धान्न नसकेपछि होटल केही समय बन्द गुर्न परेको अन्नपूर्ण होटलका एक कर्मचारीले नेपाल प्रेसलाई बताए ।
उनका अनुसार होटलले कर्मचारीहरु विदाई गर्न शुरु गरिसकेको छ ।

‘कोरोना माहामारीका कारण पर्यटक नआएकाले पनि तत्काल होटल बन्द गर्नुपर्ने बाध्यता भएको हो,’ उनले भने । हाल होटलमा ३६० जना कर्मचारीले काम गरिरहेका थिए ।