जापानका प्रधानमन्त्रीले पद छाड्दै, आगामी चुनावमा उमेद्वारी नदिने घोषणा

टोकियो । जापानका प्रधानमन्त्री योसिहिदे सुगाले यसै महिनाको अन्त्यतिरदेखि पदबाट बिदा लिने संकेत गरेका छन् । लिबरल डेमोक्रेटिक पार्टीको यसै महिनाको अन्त्यमा हुने चुनावमा अध्यक्ष पदका लागि उमेद्वारी नदिने घोषणा गरेपछि उनले प्रधानमन्त्रीबाट बिदा लिने संकेत गरेका हुन् ।

शुक्रबार विहान जम्मा १० मिनेट बसेको पार्टीको पार्टीको बोर्ड बैठकमा सुगाले अगष्ट २९ तारिखमा हुने पार्टीको निर्वाचनमा आफूले उमेद्वारी नदिने घोषणा गरेको लिबरल डेमोक्रेटिक पार्टी पुष्टी गरेको छ ।

‘म कोरोना संक्रमण नियन्त्रणका उपायहरुमा ध्यान केन्द्रित गर्न चाहन्छु’ बैठकमा उनले भनेका थिए, ‘त्यसैले म अध्यक्षका लागि उमेद्वारी दिने योजनामा छैन ।’ जापानमा बहुमत प्राप्त पार्टीको अध्यक्ष नै प्रधानमन्त्री हुने व्यवस्था छ ।

सुगाले उमेद्वारी नदिने घोषणा गरेपछि जापानको भावी प्रधानमन्त्रीका लागि बहस सुरु भएको छ।

हालैको एक तथ्यांकले प्रधानमन्त्री सुगा जनतामाझ अलोकप्रिय रहेको देखाएको थियो ।