युरोपेली युनियन भ्रमणको लागि मोदी फ्रान्स र पोर्चुगल जाने

दिल्ली । यूरोपेली युनियनको शिखर सम्मेलनमा भाग लिन भारतीय प्रधानमन्त्री नरेन्द्र मोदी आगामी ८ मेमा फ्रान्सको भ्रमणमा निस्कने भएका छन् ।

भ्रमण सिलसिलामा उनी युनियनका दुई सदस्य मुलुक पोर्चुगल र फ्रान्समा जाने भएका हुन् । यसअघि सन् २०१९ मा मोदीले फ्रान्स भ्रमण गरेका थिए ।

फ्रान्सेली राष्ट्रपति इमानुएल म्याक्रोको निम्तोमा मोदी फ्रान्सको भ्रमणमा जान लागेका हुन् । मोदीको भ्रमण अगाडि फ्रान्सेली विदेशमन्त्री जिन ले ड्रिआन अप्रिल १३ देखि १५ सम्म भारतको भ्रमणमा आउने भएका छन् ।

फ्रान्सेली विदेशमन्त्रीका भारत भ्रमणको क्रममा फ्रान्स र अष्ट्रेलियाका विदेशमन्त्रीसँग त्रिपक्षीय बैठक पनि हुने भएको छ । कोभिड-१९ सक्रमणलाई कम गर्नको लागि पेरिस र दिल्ली दुबै देशले सक्रियता बढाएका छन् ।