कर्णाली सरकारले आज पूर्णता पाउने, नयाँ मन्त्रीमा यी अनुहार आउने
२०८१ वैशाख १८ गते १३:५८
सुर्खेत । कर्णालीका आज मन्त्रिमण्डलले पूर्णता पाउने भएको छ । गठबन्धनमा रहेका नेकपा एमाले र माओवादीबाट गरी ६ जनालाई शपथ गराउन लागिएको छ ।
प्रदेश प्रमुखको कार्यालयका अनुसार दिउँसो साढे २ बजे नयाँ मन्त्रीहरूको शपथ ग्रहण कार्यक्रम राखिएको छ ।
मन्त्री हुनेहरुमा माओवादीबाट कालीकोटका दुर्गबहादुर रावत, रुकुम पश्चिमका महेन्द्र केसी र डोल्पाका वीरबहादुर शाही छन् ।
यस्तै एमालेबाट दैलेखका विनोद शाह र डोल्पाका शेरबहादुर बुढा मन्त्री बन्दैछन् । एकजना मन्त्रीको नाम टुंगिन बाँकी रहेको बताइएको छ ।
८ सदस्यीय मन्त्रिमण्डलमा यसअघि माओवादीबाट रणसिंह परियार मन्त्री भइसकेका छन् ।
प्रकाशित: २०८१ वैशाख १८ गते १३:५८
प्रतिक्रिया
सम्बन्धित खवर
