गृहमन्त्रीको प्रष्टीकरण- मैले कसैलाई धम्काएको छैन, गिरीबन्धुको पनि छानबिन हुन्छ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/05/rabi-lamichhane-1-e1715601978241.jpg)
काठमाडौं । उपप्रधान तथा गृहमन्त्री रवि लामिछानेले गिरीबन्धु टी-स्टेट प्रकरणको पनि छानबिन गरी दोषीलाई कारबाही गर्न आफू तयार रहेको बताएका छन्।
प्रतिनिधि सभाको बैठकपछि सञ्चारकर्मीहरूसँग कुरा गर्दै हिजो सदनमा बोल्दा प्रतिपक्षले उठाएको विषयमा मात्रै केन्द्रित भएकाले गिरीबन्धुको कुरा नआएको प्रष्ट पारे।
उनले भने, ‘हिजो प्रतिपक्षले उठाएका विषयहरूको कुरा गरेको हुँ। गिरीबन्धु किन बिर्सिनुपर्यो र। को दोषी छन् ? कहाँबाट सुरू भएको हो ? को-को सहभागी छन् ? किन बिर्सनुपर्यो र ? तर, प्रसङ्ग नै त्यो थिएन। प्रमुख प्रतिपक्षले लगाएको कुरामा चलेको थियो।’
उनले हिजो आफूले सदनमा बोल्दा कसैलाई नधम्काएको जिकिर गरे।
उनले भने, ‘मैले हिजो आरोप लगाएको हो र ? कहाँ धम्काए मैले ? मैले बसैलाई धम्काउने र तर्साएको होइन। मेरो जस्तै यस्ता यस्ता समाचार आएका छन्। यी सबैमा यसरी नै जाने हो त भनेर दृष्टान्त दिएको हुँ।’
उनले रास्वपालाई सहभागी नगराई सहकारी प्रकरणमा संसदीय छानबिन समिति बनाउन आफू तयार हुँदा पनि कांग्रेसले नचाहेको दाबी गरे।