राष्ट्रियसभाको लागि १८ गतेभित्र उम्मेदवार सिफारिस गर्न राप्रपाको निर्देशन

काठमाडौं । राष्ट्रिय प्रजातन्त्र पार्टीले पुस १८ गतेभित्र राष्ट्रियसभाको उम्मेदवार सिफारिस गर्न निर्देशन दिएको छ।

केन्द्रीय कार्यालयमा बसेको केन्द्रीय पदाधिकारी बैठकले राष्ट्रिय सभाको निर्वाचनको प्रयोजनका लागि पौष १८ गतेसम्म उमेदवार सिफारिस गरी पार्टीको संसदीय समितिलाई पठाउन प्रदेश कार्यसमितिलाई जिम्मेवारी दिइएको प्रवक्ता मोहन श्रेष्ठले बताए।

राष्ट्रियसभाको निर्वाचनको लागि २३ गते उम्मेदवारी दर्ता हुँदैछ।