नेपालगञ्जवासीलाई राप्रपाको आग्रह – हिंसाको बाटो लिएर सद्भाव बिगार्नतिर नलाग्नुस् (भिडिओ)

काठमाडौं । राष्ट्रिय प्रजातन्त्र पार्टीले नेपालगञ्जवासीले सद्भाव नभड्काउन आग्रह गरेको छ। प्रतिनिधि सभाको बैठकमा बोल्दै राप्रपा महामन्त्री धवलसम्शेर जबराले देशभर नै दंगा भड्किने सम्भावना रहेको भन्दै सरकारको ध्यानाकर्षण गराए।

उनले भने, ‘बाँकेको नेपालगञ्जमा दुई समूदायबीच झडप भएर अहिले कफ्र्यू लागको छ। सरकारलाई यो हिंसाहरुलाई कन्ट्रोलमा ल्याउनुपर्यो। यो सबैको जड भनेको मोबाइलको सञ्जाल हो। साइबरक्राइमलाई तुरुन्तै कन्ट्रेल गर्नुपर्यो होइन भने देशभरी नै गौहत्यादेखि हिन्दू मुसलमानको झडपको कुरा सबै यही कारणले भएका हो। यस्तै रहिरहे देशभरी नै दंगा भड्किने सम्भावना छ।’

नेपालगञ्जका दुवै समुदायलाई सद्भावलाई कामय राख्न आग्रह गरे। उनले भने, ‘नेपालगञ्जलाई हामी सद्भावको शहर बनाइरहेका छौं। त्यो सद्भावलाई कायम राखेर सबै शान्तिपूर्णरुपले विरोध गर्न पाइन्छ आफ्नो कुरा राख्न पाइन्छ। तर, उग्र र हिंसाको बाटो लिएर सद्भाव नबिगार्न आग्रह गर्छु।’