भारतमा जन्मेका विश्व बैंक प्रमुख अमेरिकाका ३५ महान आप्रवासीको सूचीमा

काठमाडौं । भारतमा जन्मेका विश्व बैंकका नयाँ प्रमुख अजय बांगा अमेरिकाका ३५ महान आप्रवासीको सूचीमा परेका छन् ।

अमेरिकाको कार्नेगी कर्पोरेसनले सार्वजनिक गरेको महान आप्रवासीको सूचीमा पर्ने भारतमा जन्मेका बांगा नै प्रथम अनुहार हुन् ।

विश्वका ३३ देशका ३५ महान आप्रवासी भनेर सुचिकरणमा परेकाहरु अंगिकृत नागरिकता लिएका अमेरिकीहरु हुन् । विभिन्न क्षेत्रमा स्थापित मान्यता बनाएकाहरु यो सूचीमा पर्ने गरेका छन् ।

बांगा यहि जुन महिनामा विश्व बैंकका सभापति भएका हुन् । मास्टरकार्डका सीर्इओ देखी कार्यकारी अध्यक्ष भएका बांगा विश्व बैंकको प्रमुख पदमा पुग्ने प्रथम भारतीय अमेरिकी अनुहार हुन् ।

भारत, चीन, भियतनाम, दक्षिण कोरिया लगायतका एसियाली देशहरुका आप्रवासी परेको सूचीमा नेपालका अहिलेसम्म कोही अटाएका छैनन् ।