न्याय खोज्दै बर्दिबासबाट १२ दिन हिँडेर काठमाडौं आइपुगे मिटरव्याजपीडित (तस्बिरहरू)
२०७९ चैत १३ गते १४:२८
चन्द्रागिरी । बर्दिबासका मिटरव्याजपीडित न्याय खोज्दै काठमाडौं आइपुगेका छन् । उनीहरू हेटौंडा हुँदै १२ दिनको पैदल हिँडेर राजधानी आइपुगेका हुन् । पीडितहरू खाने, बस्ने बन्दोबस्तीका सामान बोकेर आन्दोलनमा हिँडेका हुन् ।
उनीहरू चन्द्रागिरी मातातीर्थमा आइपुगेका छन् । समूह बनाएर आएका उनीहरू ८५ जना रहेको बताइएको छ । पीडितहरू मातातीर्थबाट सीधै काठमाडौं खुल्लामञ्च आउने तयारीमा छन् ।
आफ्नो माग पूरा नभएसम्म काठमाडौंबाट नफर्कने उनीहरूको अडान छ ।
पीडितलाई न्याय दे, मिटरब्याजीको अवैध सम्पत्ति छानबिन गरजस्ता नारा लेखिएको प्लेकार्ड बोकेका पीडितले प्रधानमन्त्रीसँग प्रत्यक्ष भेटेर माग राख्ने इच्छा राखेका छन् ।
मिटरब्याजी पिडितहरूले ८ गुनासम्म बढाएर मिटरब्याजीले रकम लिएको, घरबारविहीन बनाएको गुनासो गरेका छन् ।
प्रकाशित: २०७९ चैत १३ गते १४:२८
प्रतिक्रिया
सम्बन्धित खवर
