बधाईका लागि समय नमाग्न प्रधानमन्त्री प्रचण्डको आग्रह

काठमाडौं । प्रधानमन्त्री पुष्पकमल दाहाल ‘प्रचण्ड’ले बधाई र शुभकामना आदान प्रदानका लागि समय माग नगर्न सबैलाई अनुरोध गरेका छन् । बधाई र शुभकामना आदानप्रदानका लागि लाग्ने समय देश निर्माणको कामा खर्चिनु उचित हुने भन्दै उनले यस्तो आग्रह गरेको उनको सचिवालयले जनाएको छ ।

तर, सरकारको कामलाई प्रभावकारी बनाउनका लािग दिने सल्लाह र सुझाव सचिवालयलमार्फत पेस गर्नका लागि भने प्रधानमन्त्री प्रचण्डले आग्रह गरेका जनाइएको छ ।

प्रधानमन्त्रीका प्रेस संयोजक सूर्यकिरण शर्माले सामाजिक सञ्जाल फेसबुकमा लेखेका छन्, ‘सम्माननीय प्रधानमन्त्रीज्युले बधाई र शुभकामना आदानप्रदानको लागि समय माग गर्नु भएका सबै दिदिबहिनी तथा दाजुभाइहरुलाई हार्दिक धन्यवाद व्यक्त गर्दै बधाई र शुभकामनाका लागि बित्ने समयलाई देश निर्माणका काममा खर्चन उचित हुने धारणा व्यक्त गर्नु भएकोले अब उप्रान्त बधाई र शुभकामनाका लागि समय माग नगरिदिनु हुन हार्दिक अनुरोध गर्दछौं । सरकारको कामलाई प्रभावकारी बनाउनका लागि दिने सल्लाह सुझाव सचिवालयमार्फत पेश गरिदिन पनि आग्रह गर्दछौं ।’