कर्णालीको मुख्यमन्त्री नछाड्ने माओवादीको दाबी, राजकुमार शर्मा संसदीय दलको नेता चयन

काठमाडौं । कर्णाली प्रदेशको मुख्यमन्त्रीमा नेकपा माओवादी केन्द्रले दाबी गरेको छ । यसैबीच नेकपा माओवादी केन्द्र कर्णाली प्रदेशले संसदीय दलको नेतामा राजकुमार शर्मालाई चयन भएका छन् ।

आज बसेको प्रदेश समितिको बैठकले यो निर्णय गरेको प्रदेश अध्यक्ष विमला केसीले बताइन् । यद्यपी संसदीय दलको बैठकबाट निर्णय हुन बाँकी रहेको छ ।

शर्मा रुकुमपश्चिम प्रदेश सभा (२) बाट निर्वाचित सांसद हुन् । त्यहाँ एमालेले नेकपा एमालेका स्थायी कमिटी सदस्य तथा कर्णाली इन्चार्ज यामलाल कँडेल कर्णाली प्रदेश सभा संसदीय दलको नेतामा चयन भइसकेका छन् ।

कँडेल यसपटक अब वाम गठबन्धन बनेसँगै मुख्यमन्त्री बन्ने निश्चित भएको छ । तर, त्यहाँ माओवादीले पनि दाबी गरेको छ । माओवादी संसदीय दलको नेतामा चयन भएका शर्मा पोलिटब्यूरो सदस्य पनि हुन् ।