साढे ५ वर्षपछि प्रधानमन्त्रीको रुपमा सिंहदरबारमा प्रचण्डको पुनरागमन (तस्बिरहरु)

काठमाडौं । नेकपा माओवादी केन्द्रका अध्यक्ष पुष्पकमल दाहालले नेपालको ४४ औं प्रधानमन्त्रीका रुपमा तेस्रो कार्यकालका लागि पदभार ग्रहण गरेका छन् । सोमबार साँझ साढे ७ बजे दाहाल साढे ५ वर्षपछि प्रधानमन्त्रीको कुर्सीमा फर्किएका हुन् ।

२०७४ जेठ अन्तिम साता आफ्नो दोस्रो प्रधानमन्त्री कार्याकालको ९ महिना पूरा गरी शेरवहादुर देउवालाई हस्तान्तरण गरेपछि सत्ताको नेतृत्वबाहिर रहेका प्रचण्ड,देउवालाई नै हटाएर एमाले अध्यक्ष केपी शर्मा ओलीको समर्थनमा तेस्रोपटक प्रधानमन्त्री बनेका हुन् ।

राष्ट्रपति भवन शीतल निवासमा सपथग्रहणपछि शहीदस्मारक पुगेका दाहाल त्यसपछि प्रधानमन्त्री कार्यालय सिंहदरवार पुगेका थिए । करीव २ घण्टासम्म कर्मचारी र स्वागतार्थ बसेकाहरुलाई कुराएका थिए ।

२०६५ साल वैशाखमा पहिलोपटक प्रधानमन्त्री बनेका प्रचण्ड ९ महिनामै प्रधानसेनापति प्रकरणमा राजीनामा दिएर सत्ताबाट बाहिरिएका थिए । त्यसपछि २०७३ सालमा उनी दोस्रोपटक प्रधानमन्त्री बने ।

दुवैपटक टाइसुटमा सपथ लिएका प्रचण्डले तेस्रोपटक प्रधानमन्त्री बन्दा एमाले अध्यक्ष केपी शर्मा ओलीको आग्रहमा दौरासुरुवाल लगाएर सपथ लिएका थिए । उनी पहिलोपटक दौरासुरुवाल लगाएर सिंहदरवार प्रवेश गरे ।

तस्बिरहरु: