माधवलाई गोकुलको कटाक्ष- देश बचाउन माझी खोज्नेहरू कांग्रेसी आँगनमा देउसी खेल्दैछन् – Nepal Press

माधवलाई गोकुलको कटाक्ष- देश बचाउन माझी खोज्नेहरू कांग्रेसी आँगनमा देउसी खेल्दैछन्

काठमाडौं । नेकपा एमालेका नेता गोकुल बाँस्कोटाले नेकपा एसका अध्यक्ष माधवकुमार नेपालमाथि कटाक्ष गरेका छन् ।

बाँस्कोटाले ट्वीट गर्दै ‘देश जोगाउन माझी खोज्न हिँडेकाहरू कांग्रेसी आँगनमा देउसी खेल्दै छन्’ भनेर नेपालमाथि टिप्पणी गरेका हुन् ।

‘वालुवाटारमा रमिता छ । डेंगुको फैलावटले जनता हैरान छन् । सरकार चलाउन सिकाउनेलाई देउवाले उल्टै तोरीको फूल देखाइदिएपछि कांग्रेसभित्रकै डेंगुबाट त्राहीमाम छन्,’ बाँस्कोटाले लेखेका छन्, ‘देश जोगाउन माझी खोज्न हिडेकाहरू कांग्रेसी आँगनमा देउसी खेल्दै छन । रामराज्य प्राप्तीपछि सुतेको नागरिक समाज कुम्भकर्णे निन्द्रामै छ ।’

नेकपा एमाले अध्यक्ष केपी शर्मा ओली प्रधानमन्त्री हुँदा तत्कालीन नेपालले संसदमा भाषण गर्दै भनेका थिए- मेरो देश डुब्नै लाग्यो माझी बचाइदेऊ ! प्रधानमन्त्री ओलीका कारण देश डुब्न लागेको आशयका साथ उनले यस्तो भाषण गरेका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर