कांग्रेसका पालिका प्रमुख-उपप्रमुखलाई आजदेखि प्रशिक्षण, प्रधानमन्त्रीले उद्घाटन गर्ने
नेपाल प्रेस
२०७९ साउन ३० गते ६:४९
काठमाडौं । नेपाली कांग्रेसले गत वैशाख ३० गतेको चुनावमा आफ्नो दलबाट निर्वाचित स्थानीय तहका जनप्रतिनिधिलाई आजदेखि अभिमुखीकरण एवं प्रशिक्षण दिने भएको छ ।
कांग्रेस केन्द्रीय नीति अनुसन्धान तथा प्रशिक्षण प्रतिष्ठानले देशभरका पालिका प्रमुख-उपप्रमुखदेखि जिसस प्रमुख-उपप्रमुखलाई काठमाडौंमा आज र भोलि दुई दिन प्रशिक्षण दिन लागेको हो ।
प्रधानमन्त्री एवं कांग्रेस सभापति शेरबहादुर देउवाले बिहान ११ बजे हेरिटेज होटलमा प्रशिक्षण कार्यक्रमको उद्घाटन गर्ने बताइएको छ ।
प्रशिक्षण स्थानीय तहमा जनप्रतिनिधिका काम कारबाही साथै आसन्न मंसिर ४ को निर्वाचनमा पार्टीका उम्मेदवारलाई जिताउन रणनीतिमा केन्द्रित हुने बताइएको छ ।
नेपाल प्रेस
प्रकाशित: २०७९ साउन ३० गते ६:४९
प्रतिक्रिया
सम्बन्धित खवर
