माधव नेपालले भने- एमसीसी पास हुनुपर्छ, तर सहमतिमा मात्रै

काठमाडौं । नेकपा (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालले सहमतिमा मात्रै एमसीसी पास हुनपर्ने बताएका छन् । यथास्थितिमा एमसिसी पास गर्न नसकिने भन्दै उनले दलहरुबीच गहन छलफल गरी सहमति गर्नुपर्ने तर्क गरेका हुन् ।

‘एमसिसीका कारण देशमा राजनीतिक संकट पैदा भइरहेकाले सहमतिका आधारमा मात्रै पारित गर्नु पर्छ’, कैलालीको धनगढीमा युवासङ्घ नेपालको प्रथम सुदूरपश्चिम प्रदेश भेलालाई बिहीबार सम्बोधन गर्दै उनले भने, ‘सबै राजनीतिक दलका बीचमा गहन अध्ययन र छलफल भएर मात्रै एमसीसी अगाडि बढाउनु पर्छ ।’

सोही कार्यक्रमलाई सम्बोधन गर्दै संस्कृति, पर्यटन तथा नागरिक उड्डयनमन्त्री प्रेमबहादुर आलेले एमसिसीका विषयमा पार्टीले जे धारणा अघि सार्छ सोही विषयमा आफूहरु अगाडि बढ्ने बताए ।