एप्पललाई उछिन्दै माइक्रोसफ्ट बन्यो विश्वकै धनी कम्पनी

न्यूयोर्क । एप्पललाई उछिन्दै माइक्रोसफ्ट विश्वकै धनी कम्पनी बनेको छ । द भर्ज म्यागजिनका अनुसार शुक्रबार माइक्रोसफ्टको बजार मूल्य २.४९ ट्रिलियन डलर पुगेको छ ।

उक्त म्यागजिनका अनुसार एप्पलको बजार मूल्य २.४६ ट्रिलियन डलर छ । शुक्रबार सेयर बजार बन्द हुँदासम्म माइक्रोसफ्टको बजार मूल्य त्यति पुगेको हो ।

अफिस, विन्डोज र क्लाउड उत्पादनको विक्रीबाट माइक्रोसफ्टको कमाइमा उछाल आएको अमेरिकी मिडिया सीएनबीसीले जनाएको छ । बिहीवार एप्पलले सार्वजनिक गरेको आम्दानी विवरणमा राम्रो कमाइ भएपनि उसले ६ बिलियन डलर गुमाएको जनाएको थियो ।

माइक्रोसफ्ट विश्वकै धनी कम्पनी भएको यो पहिलोपटक भने चाहिँ होइन । यसअघि सन २०१०, २०१८ र २०२० पनि एप्पललाई उछिनेको छ । सन् २०१८ मा एप्पल १ ट्रिलियन डलर कमाउने पहिलो अमेरिकी कम्पनी बनेको थियो ।