सरकारले १० फिल्म निर्माणमा सह-लगानी गर्ने, स्टोरी बैंकका लागि फिल्म आह्वान – Nepal Press

सरकारले १० फिल्म निर्माणमा सह-लगानी गर्ने, स्टोरी बैंकका लागि फिल्म आह्वान

काठमाडौं । सरकारले यस आर्थिक वर्ष ०७८/०७९ देखि दश फिल्ममा सह-लगानी गर्ने भएको छ । मौलिक तथा कलात्मक फिल्म निर्माणमा प्रोत्साहित गर्न भन्दै चलचित्र विकास बोर्डले गतवर्ष स्टोरी बैंक स्थापना गरेको थियो ।

चलचित्र विकास बोर्डले मंगलबार सूचना जारी गर्दै पाँच फिचर र पाँच छोटो फिल्ममा सह-लगानी गर्ने जनाएको छ । यसअघि तीन फिचर र तीन छोटो फिल्ममा सह-लगानी गर्ने कार्यविधि संशोधन गर्दै बोर्डले साउनदेखि लागू हुने गरी फिल्मको संख्यामा वृद्धि गरेको हो ।

‘कार्यविधि संशोधन गरेर फिल्मको संख्यामा वृद्धि गरेका छौं’ बोर्ड अध्यक्ष दयाराम दाहालले नेपाल प्रेसलाई भने, ‘कति लगानी गर्ने र कस्तो सहयोग गर्ने भन्ने विस्तृत जानकारी चाँडै सार्वजनिक गर्नेछौं ।’

अध्यक्ष दाहालका अनुसार अघिल्लो आर्थिक वर्षमा स्टोरी बैंकमार्फत ३ छोटो र तीन फिचर फिल्म छनौट भएका छन् । यी तीन फिल्मलाई निर्माणमा बोर्डले सहयोग गर्नेछ । स्टोरी बैंकमा प्राप्त ती ६ वटा फिल्म सिफारिस भएको हो ।

यस्तो छ स्टोरी बैंकको नयाँ सूचना :

प्रतिक्रिया

Leave a Reply

Your email address will not be published. Required fields are marked *

सम्बन्धित खवर