पौडेल समूहको बैठक जारी, समायोजन र क्रियाशील विवाद एजेण्डा

काठमाडौं । नेपाली कांग्रेसमा जारी क्रियाशील सदस्यता विवाद टुंग्याउने विषयमा वरिष्ठ नेता रामचन्द्र पौडेल पक्षको बैठक अहिले बसिरहेको छ ।

बत्तीसपुतलीस्थित अनुपम फुडल्याण्डमा जारी बैठकमा वरिष्ठ नेता पौडेल, महामन्त्री डा.शशांक कोइराला, पूर्वमहामन्त्री प्रकाशमान सिंहलगायतका नेताहरू उपस्थित छन् । बैठकमा समायोजन समिति र क्रियाशील छानविन समितिमा रहेका नेताहरूलाई पनि बोलाइएको छ ।

‘समायोजनका नाममा धेरै जिल्लामा मनपरी क्रियाशील बाँडेको पाइयो । त्यस्ता विषय कसरी निरुपण गर्ने भन्नेमा धारणा बनाउन छलफल गर्न लागिएको हो’, बैठकमा सहभागी एक नेताले भने ।