फ्रेन्च ओपन: क्रेसिकोभा पहिलो पटक ग्रान्डस्लामको क्वार्टरफाइनलमा

काठमाडौं । बार्बोरा क्रेसिकोभा फ्रेन्च ओपन टेनिसको क्वार्टरफाइनलमा पुगेकी छन् । सोमबार भएको चौथो चरणको खेलमा अमेरिकी खेलाडी स्लोएन स्टेफन्सलाई ६-२, ६-० को सोझो सेटमा पराजित गर्दै २५ वर्षीया क्रेसिकोभा ग्रान्डस्लामको महिला सिङ्गल्समा पहिलो पटक क्वार्टरफाइनलमा पुगेकी हुन् ।

गत वर्ष चौथो चरणबाटै बाहिरिएकी क्रेसिकोभाले पहिलो चरणमा क्यारोलिना प्लिस्कोभालाई ५-७, ६-४, ६-२ को नतिजामा पराजित गर्दै प्रतियोगिताको सुरुआत गरेकी थिइन् । दोस्रो चरणमा एकाटेरिना अलेक्जान्ड्रोभालाई ६-२, ६-३ को नतिजामा हराएकी क्रेसिकोभाले तेस्रो चरणमा पाँचौं बरियताकी एलिना स्भितोलिनाविरुद्ध ६-३, ६-२ को जित निकालेकी थिइन् ।

क्रेसिकोभाले क्वार्टरफाइनलमा कोको गौफ र ओन्स जाबेरबीचको विजेतासँग खेल्नेछिन् ।

प्रतिक्रिया

Leave a Reply

Your email address will not be published. Required fields are marked *