स्काउटले काठमाडौंमा पनि गर्‍याे शव व्यवस्थापन

काठमाडौं । नेपाल स्काउटको टोलीले आजबाट काठमाडौंमा समेत कोभिडबाट मृत भएकाको शव ब्यवस्थापन कार्य सुरु गरेको छ ।कोभिडबाट मृत भएका ५८ वर्षीय सुशील वीर कंसाकारको शव ब्यवस्थापन नेपाल स्काउट बागमती प्रदेशका संयोजक केशरत्न बज्राचार्य र नेपाल स्काउट बागमती प्रदेश स्पेशल टाक्स फोर्सको संयोजक अजित लामाले गरेका थिए भने प्रकाशराज पाण्डे र विखेन्द्र महर्जन लगाएतले सो अभियानमा होस्टेमा हैंसे गरेका थिए ।

यसअघि नेपाल स्काउटको टोलीले बिराटनगरमा शव ब्यवस्थापनको कार्य थालनी गरेको थियो ।कोभिड संक्रमण भई ग्राण्डी अस्पतालमा उपचाररत ५८ वर्षे कंसाकारको हिजो निधन भएको थियो । मृत्यु पश्चात शव कोरोना नेगेटिभ देखिएको अस्पतालले जनाएपछी उक्त शव नेपाली सेनाले व्यवस्थापन नगरेको र परिवारजनमा कोभिडको त्रास भएकाले नेपाल स्काउटको टोलीले शव व्यवथापन गरेको हो ।

बिगत २ साता देखी ननकोभिड बीमारीहरूलाई एम्बुलेन्स सेवा सुचारु गरेको नेपाल स्काउटको तालीम प्राप्त टोलीले आज शव व्यवथापन गरेको हो ।

नेपाल स्काउटले नेपालमा कोरोना माहामारी पश्चात् कोभिड विरुद्ध जनचेतनामूलक अभियान,चिकित्सक परामर्श सेवा,हेल्प डेस्क,डिसइन्फेक्ट कार्य र शवदहमा निशुल्क पानी वितरण लगाएतको कार्य गरिरहेको नेपाल स्काउटका राष्ट्रिय तदर्थ समितिका संयोजक लोक बहादुर भण्डारीले बताए ।

स्काउट देशभर जस्तोसुकै परिस्थितिमापनी जनताको सेवा गर्न अहोरात्र खटिने भण्डरीले बताए ।

प्रतिक्रिया

Leave a Reply

Your email address will not be published. Required fields are marked *