मेयर-११ ले एपीएफलाई दियो १७८ रनको लक्ष्य

काठमाडौं । काठमाडौं मेयर कप २०७७ मा बिहीबार मेयर-११ ले विभागीय प्रतिद्वन्दी नेपाल एपीएफ क्लबलाई १७८ रनको लक्ष्य दिएको छ । मूलपानी क्रिकेट मैदानमा टस हारेर ब्याटिङको निम्तो पाएको मेयर ११ ले ४८.५ ओरभमा सबै विकेट गुमाएर १७७ रनको योगफल तयार गरेको हो ।

मेयर ११ का लागि सन्दीप रजालीले सर्वाधिक ४८ बलको योगदान गरे । अर्धशतक बनाउन दुई रनले चुकेका सन्दीपले ८३ बलमा ५ चौका प्रहार गरेका थिए । त्यस्तै हरिशंकर साहले ३६ रन बाहेक अन्य ब्याट्सम्यानले उल्लेख्य प्रदर्शन गर्न सकेनन् ।

एपीएफका लागि कमलसिंह ऐरी र अविनाश बोहराले ३/३ विकेट लिए । त्यस्तै बसन्त रेग्मी, कप्तान सरद भेसावकर र भुवन कार्कीले १/१ विकेट लिए ।

राउन्ड रोबिन पद्धतिमा जारी प्रतियोगिताको पहिलो चरणको आज अन्तिम दिन हो । यसअघि नै नेपाल पुलिस क्लबले फाइनलमा स्थान सुरक्षित गरिसकेको छ । आजको खेलमा जित हासिल गरे नेपाल एपीएफ क्लबले फाइनलमा पुलिसको सामना गर्नेछ भने पराजित भए अन्य क्लबको पनि सम्भावना रहनेछ ।

प्रतिक्रिया

Leave a Reply

Your email address will not be published. Required fields are marked *