प्रदेशसभा बैठक स्थगित गरेकोमा प्रचण्ड–माधव पक्षको आपत्ति – Nepal Press
वागमती प्रदेश

प्रदेशसभा बैठक स्थगित गरेकोमा प्रचण्ड–माधव पक्षको आपत्ति

तत्काल बैठक बोलाउन आग्रह

काठमाडौं । नेकापाको प्रचण्ड–माधव नेपाल पक्षले एक्कासी प्रदेशसभा बैठक स्थागित गरेकोप्रति आपत्ति जनाउँदै तत्काल बैठक राख्न वागमती प्रदेशका सभामुखसित आग्रह गरेको छ । उक्त पक्षको दलकी नेतृ अष्टलक्ष्मी शाक्यले विज्ञप्ति जारी गर्दै तत्काल प्रदेशसभा बैठक बोलाउन आग्रह गरेकी हुन् ।

आजका लागि तोकिएको बैठक फागुन २ गतेसम्मका लागि स्थागित गरेपछि उक्त पक्षले निकालेको विज्ञप्तिमा भनिएको छ– अविश्वासको प्रस्तावकहरु र अन्य दलसँग समेत कुनै छलफल या जानकारी नगरी, कार्य व्यवस्था परामर्श समितिको बैठक समेत नराखी र कुनै विशेष कारणसमेत नखुलाई गरिएको यो स्थगन तुरुन्त सच्याइ तत्काल प्रदेश सभाको कार्यव्यवस्था परामर्श समितिको बैठक राखी प्रदेशसभाको बैठक अविलम्ब सुचारु गर्न हाम्रो दल मानीय सभामुख समक्ष जोडदार माग गर्दछ ।

आजको बैठकमा मुख्यमन्त्री डोरमणि पौडेलविरुद्धको अविश्वास प्रस्तावमाथि छलफल हुने कार्यसूची थियो ।

प्रतिक्रिया

Leave a Reply

Your email address will not be published.

सम्बन्धित खवर