नेपालकै दोस्रो लामो पुल उद्घाटन गर्न प्रधानमन्त्री दाङ जाँदै – Nepal Press

नेपालकै दोस्रो लामो पुल उद्घाटन गर्न प्रधानमन्त्री दाङ जाँदै

काठमाडौं । प्रधानमन्त्री केपी शर्मा ओली नेपालकै दोस्रो लामो पुल उद्घटन गर्न आज दाङ जाँदैछन् । दाङको देउखुरीस्थित राप्ती नदीमा बनेको पुलको लम्बाइ ८६५ दशमलव ४२ मिटर रहेको प्रधानमन्त्रीको विकास मामिला विज्ञ गजेन्द्र थपलियाले बताए ।

राप्ती गाउँपालिकाको सिसहनीया र गढवा गाउँपालिकाको महादेवा जोड्ने यो पुल कोठियाघाटपछिको सबैभन्दा लामो हो । करीव एक अर्ब लागतमा निर्माण भएको पुल २०७३ साल मंसिरबाट निर्माण शुरु भएको थियो ।

पुल उद्घाटनपछि आजै प्रधानमन्त्रीले राप्तीको लालमटिया गाउँमा आयोजना गरिएको नेकपाको आमसभालाई सम्बोधन गर्नेछन् । सभामा ५० हजार जनसहभागिता जुटाउने दावी स्थानीय नेकपाको छ ।

प्रतिक्रिया

Leave a Reply

Your email address will not be published.

सम्बन्धित खवर