प्रहरी हस्तक्षेपप्रति राप्रपा अध्यक्षद्वयको आपत्ति (भिडियो)

काठमाडौं । राष्ट्रिय प्रजातन्त्र पार्टीले पृथ्वी जयन्ती तथा राष्ट्रिय एकता दिवस मनाउने कार्यक्रममा प्रहरी हस्तक्षेप भएको भन्दै आपत्ति जनाएको छ । राप्रपाका अध्यक्षद्वय कमल थापा र पशुपति शमशेर राणाले प्रहरी हस्तक्षेपप्रति आपत्ति जनाएका हुन्।

थापाले सामाजिक संजाल ट्वीटरमार्फत् त्यसको आलोचना गरेका छन्। ‘पृथ्वी जयन्ती र राष्ट्रिय एकता दिवसमा राप्रपाले काठमाडौंमा गरेको कार्यक्रममा प्रहरी हस्तक्षेपको भत्सर्ना गर्दछु’ उनले लेखेका छन्, ‘शान्ति पूर्णरूपले राष्ट्रनिर्माताको शालिकमा माल्यार्पण गर्न गएको जुलुसमाथि प्रहरी हस्तक्षेप निन्दनीय छ। प्रहरी लाठीचार्जमा घाइतेहरूको शीघ्र स्वास्थ्यलाभको कामना गर्दछु।’

त्यस्तै अर्का अध्यक्ष राणाले मुलुकका निर्माता पृथ्वी नारायण शाहलाई कदर गर्न आउँदा दमन भएको भन्दै सरकारले प्रजातन्त्र तथा लोकतन्त्रको मूल्य र मर्मलाई दबाउने काम गरेको बताए।