मोरङमा ओली पक्षीय अखिलले बनायो ९९ सदस्यीय अधिवेशन आयोजक कमिटी – Nepal Press

मोरङमा ओली पक्षीय अखिलले बनायो ९९ सदस्यीय अधिवेशन आयोजक कमिटी

विराटनगर । ओली पक्षीय नेकपानिकट अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियु) मोरङले ९९ सदस्यीय अधिवेशन आयोजक कमिटी गठन गरेको छ । बुधवार विराटनगरमा आयोजित बृहत कार्यकर्ता भेलाले आयोजक कमिटी गठन गरेको हो ।

तत्कालीन एमाले र माओवादीबीच पार्टी एकतापछि संयोजक र सह–संयोजक तोकिए पनि कमिटीले पूर्णता पाएको थिएन । अखिलको विधानमा ६१ सदस्यीय जिल्ला कमिटी बनाउनुपर्ने प्रावधान भए पनि केही सीमित नेताहरूका कारण अखिललाई निस्प्रभावी बनाउने काम भएको भन्दै गति दिन आयोजक कमिटी गठन गरिएको अखिल मोरङ संयोजक सन्तोष घिमिरेले बताए ।

घिमिरेका अनुसार एकतापूर्वको ३३ सदस्यीय जिल्ला कमिटीलाई विस्तार गरी ९९ सदस्यीय आयोजक कमिटी निर्माण गरिएको हो । आयोजक कमिटीका सम्पूर्ण सदस्यलाई नेकपाका केन्द्रीय सदस्य तथा विद्यार्थी बिभाग प्रमुख विनोद ढकालले शपथ खुवाएका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ