थप ५८८ जनामा कोरोना संक्रमण, ११ जनाको मृत्यु – Nepal Press

थप ५८८ जनामा कोरोना संक्रमण, ११ जनाको मृत्यु

काठमाडौं । नेपालमा पछिल्लो २४ घण्टामा थप ५८८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आइतबार ४४३१ नमुनाको पीसीआर परीक्षण गर्दा ५८८ जनामा कोरोना संक्रमण पुष्टि भएको हो ।

योसँगै नेपालमा हालसम्म संक्रमित हुनेको संख्या २ लाख ५३ हजार ७७२ पुगेको छ। नेपालमा हाल संक्रिय संक्रमित ८ हजार ३२० जना छन् ।

यस्तै आज एक हजार ५७ जना कोरोनामुक्त भएर घर फर्केका छन् । साथै, कोरोनामुक्त हुनेको संख्या हालसम्म २ लाख ४३ हजार ६६४ पुगेको छ ।

यसैगरी कोरोना संक्रमणबाट थप ११ जनाको मृत्यु भएको छ । योसँगै कोरोनाबाट मृत्यु हुनेको संख्या एक हजार ७८८ पुगेको छ।

 

प्रतिक्रिया

Leave a Reply

Your email address will not be published.