नेकपा एसको महाधिवेशन तयारीमा जुट्यो काठमाडौं कमिटी

काठमाडौं । नेकपा एकीकृत समाजवादी काठमाडौं जिल्ला कमिटी पार्टीको महाधिवेशनमा जुटेको छ । महाधिवेशन केन्द्रित काठमाडौं जिल्ला अभियानको लागि पार्टीका केन्द्रीय सचिव जीवनराम श्रेष्ठको प्रमुख आतिथ्यतामा बैठक बसेको हो ।

बैठकले चैत १३ गते ११ बजे पार्टी केन्द्रीय कार्यालयमा काठमाडौं जिल्लाअन्तर्गत शाखा अध्यक्षहरूको बैठक बस्ने निर्णय गरेको केन्द्रीय सदस्य सुदेश पराजुलीले बताए । बैठकमा काठमाडौं जिल्ला कमिटी, नगरदेखि वडासम्मका अध्यक्षहरू उपस्थित हुनेछन् ।

एमालेबाट अलग भएको नेकपा एसले २०८१ जेठ ३ देखि ७ सम्म काठमाडौंमा महाधिवेशन गर्दैछ ।