प्रेमी अरविन्द्रसँग आज लगनगाँठो कस्दै नन्दिता

काठमाडौँ । अभिनेत्री नन्दिता केसीले शनिबार प्रेमी अरविन्द्र कटवालसँग लगनगाँठो कस्दै छिन्। आज एक समारोहकाबीच नन्दिता कटवालसँग वैवाहिक जिवनमा प्रवेश गर्दैछिन्।

काठमाडोँको एक होलटमा आयोजना गरिएको विवाह समारोहमा दुवैतर्फका आफन्त र साथीभाइलगायतलाई निम्त्याइएको छ।

बिहीबार रानीबनस्थित रेसुभिल्ला रिसोर्टमा नन्दिताको मेहन्दी समारोह आयोजना गरिएको थियो । मेहन्दी समारोहमा सेलिब्रेटी, उनका नजिकका आफन्त र केही रङ्ग पत्रकारको उपस्थिति थियो ।

लामो समयदेखि अमेरिकामा बस्दै आएकी नन्दिताले केही अगाडिमात्र प्रेमी अरविन्द्रसँगको इन्गेजमेन्ट तस्बिर सार्वजनिक गर्दै विवाहको जानकारी गराएकी थिइन् । मुटुरोग विशेषज्ञ समेत रहेका कटवाल अमेरिकाको नर्थ क्यारोलिनामा बस्दै आएका छन् । उनको परिवार भने काठमाडौँमा छन् ।

मागी विवाह गर्न लागेका यी दुवै केही दिन मात्र काठमाडौँ आएका हुन्। चलचित्र ‘इन्द्रेणी’ बाट डेब्यु गरेकी नन्दिताको पछिल्लो चलचित्र ‘जङ्गबहादुरको कोट’ हो जुन ७ वर्षअघि प्रदर्शनमा आएको थियो ।