नेकपा एसमा महाधिवेशनका सबै प्रतिनिधि चुनिएर आउनुपर्ने

काठमाडौं । नेकपा एकीकृत समाजवादीले सबै महाधिवेशन प्रतिनिधिहरु चुनिएर आउनुपर्ने निर्णय गरेको छ । दुई दिनसम्म चलेको केन्द्रीय कमिटी बैठकले महाधिवेशन प्रतिनिधि सम्बन्धित कमिटीबाट निर्वाचित भएर आउनुपर्ने निर्णय गरेको हो ।

बैठकले दशौं महाधिवेशनमा प्रस्तुत गरिने दस्तावेज पारित गर्नका साथै दस्तावेज माथिको छलफल सबै मातहत कमिटीले संचालन गर्ने र सुझाव पठाउने निर्णय पनि गरेको छ ।

नेकपा एसको महाधिवेशन असार १६–२० काठमाडौंमा हुँदैछ ।

यस्तै बैठकले राष्ट्रिय तथा अन्तर्राष्ट्रिय महत्त्वपूर्ण समसामयिक प्रस्तावहरु समेत पारित गरेको छ ।

मंगरबार र बुधबार सम्पन्न बैठकले पारित गरेका निर्णय सार्वजनिक गर्न भोलि बिहान १० बजे केन्द्रीय कार्यालयमा पत्रकार सम्मेलन राखेको छ ।