रास्वपा केन्द्रीय समितिको बैठक सुरु, यस्ता छन् बैठकका एजेण्डा

काठमाडौं । राष्ट्रिय स्वतन्त्र पार्टीको केन्द्रीय समितिको बैठक सुरु भएको छ। पार्टी कार्यायल कार्यालय बसुन्धारामा बैठक बसिरहेको छ।

आजको बैठकले नयाँ संसदीय दलको नेता चयन गर्ने र पार्टीका विभागहरू गठन गर्ने प्रवक्ता डा‍. मुकुल ढकालले बताए।

बैठकमा उपनिर्वाचनको समीक्षा र सरकारलाई दिएको समर्थन फिर्ताबारे छलफल हुनेछ।

रास्वपा संसदीय दलको नेताबाट डोलप्रसाद अर्यालले राजीनामा दिएका थिए । आजको बैठकले सभापति रवि लामिछानेलाई नै संसदीय दलको नेता चयन गर्नेछ।

सरकारलाई दिएको समर्थन फिर्ताबारे भने आजै निर्णय नहुने स्रोतले बतायो । केन्द्रीय समिति बैठकका लागि महामन्त्रीले विषय प्रस्तुत गर्दा समर्थन फिर्ताको विषयलाई निर्णयार्थ प्रस्तुत गरेका छैनन् । यद्यपि यसलाई छलफलको विषयका रूपमा राखिएको छ ।