सुर्खेत कांग्रेसले ६०० बढीसँग सोध्यो स्पष्टीकरण – Nepal Press

सुर्खेत कांग्रेसले ६०० बढीसँग सोध्यो स्पष्टीकरण

सुर्खेत । नेपाली कांग्रेस सुर्खेतको संस्थापन समूहले स्थानीय तह निर्वाचनमा पार्टीलाई पराजित गर्न अन्तर्घात गरेको आरोपसहित ६०० भन्दा बढीलाई स्पष्टीकरण सोधेको छ । संस्थापन समूहले शेखर कोइराला समूहका कार्यकर्तालाई मात्रै स्पष्टीकरण सोधेपछि कांग्रेसभित्र रडाको मच्चिएको छ ।

‘कांग्रेस एकताबद्ध भएर जानुपर्नेमा हाम्रो समूहका अधिकांश साथीहरुलाई व्यक्तिगत रुपमै स्पष्टीकरण सोधेको पाइएको छ’, सुर्खेत कांग्रेस संस्थापनइतर समूहका एक नेताले भने, ‘कहींकतै अन्तर्घात भएको हुनसक्छ । त्यस्ता स्थानमा भने स्पष्टीकरण सोध्नुपर्नेमा समग्र हाम्रो समूहलाई नै स्पष्टीकरण सोधिएको छ । हामी पार्टीको यो निर्णयको कडा प्रतिवाद गर्छौं ।’

कांग्रेसका संस्थापनइतर समूहका अधिकांश नेता–कार्यकर्तालाई स्पष्टीकरण सोधिएको भन्दै सामाजिक सञ्जालमा संस्थापन समूहका कार्यकर्ताले चर्को आलोचना गरेका छन् ।

प्रतिनिधिसभा र प्रदेशसभाको निर्वाचनको तयारीमा लाग्नुपर्ने समयमा पार्टीभित्रको यो लडाइँले कांग्रेसलाई थप कमजोर बनाउने उनीहरुको भनाइ छ ।

यसबारेमा प्रतिक्रिया लिन खोज्दा अनुशासन समितिका सदस्य कांग्रेस सुर्खेतका सचिव देवकुमार सुवेदीले फोन उठाएनन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर