‘कारबाही गर्ने भए अन्त भोट हाल्न सिकाउने शेरबहादुर र रामचन्द्रजीबाट सुरू गरौं’ – Nepal Press

‘कारबाही गर्ने भए अन्त भोट हाल्न सिकाउने शेरबहादुर र रामचन्द्रजीबाट सुरू गरौं’

काठमाडौं । नेपाली कांग्रेसको जारी केन्द्रीय समिति बैठकमा नेताहरूले आ-आफ्नो धारणा राखिरहेका छन् ।

यसैक्रममा नेता बलबहादुर केसीले सभापति शेरबहादुर देउवाले पार्टीलाई मिलाएर एकताबद्ध बनाएर लैजानुपर्ने जोड दिए । उनले चुनावी गठबन्धनको विषयमा नेताहरू विभाजित नहुन आग्रह गरे ।

गएको स्थानीय चुनावमा गठबन्धनका कारण बागी उठेका, अन्तर्घात गरेकाहरूलाई कारबाही गर्ने हो भने पहिला देउवा र रामचन्द्र पौडेलबाट सुरू गर्नुपर्ने केसीको भनाइ थियो ।

‘गठबन्धन गर्ने, नगर्ने भनेर विभाजित नहौं । कांग्रेस एक हुनुपर्छ । सभापतिजीले पार्टी मिलाएर लैजानुस्’, केसीले भने, ‘जहाँसम्म चुनावमा असहयोग गरेकालाई कारबाही गर्ने कुरा पनि उठेको छ । गठबन्धन भएका ठाउँमा स्वतन्त्र उठेका र असहयोग गरेकालाई कारबाही गर्ने हो भने सबैभन्दा पहिला शेरबहादुरजी र रामचन्द्रजीलाई गर्नुपर्छ । किनभने उहाँहरूले नै हामीलाई अन्त भोट हाल्न सिकाएको हो ।’

प्रतिक्रिया

Leave a Reply

Your email address will not be published. Required fields are marked *

सम्बन्धित खवर