अश्लील शीर्षक राखेकाे आरोपमा युट्यूबर पक्राउ
नेपाल प्रेस
२०७९ असार २१ गते १७:३३
काठमाडौं । फेरि अर्का युट्युबर पक्राउ परेका छन् ।
अश्लील शीर्षक राखेर भिडिओ सामग्री प्रकाश गरेको आरोपमा फोर रियल टिभी नामक युट्यूब च्यानलका सञ्चालक २२ वर्षीय प्रवेश लामालाई प्रहरीले पक्राउ गरेको हो ।
लामाले रातिराति काठमाडौंका विभिन्न सडकमा युवतीहरूलाई अश्लील प्रश्न सोधेर भिडिओ प्रकाशन गर्दै आएको प्रहरीले बताएको छ । एक पीडित युवतीको उजुरीका आधारमा लामा पक्राउ परेका हुन् ।
समाजमा अश्लिलता फैलाउने किसिमका भिडिओ बनाइ सामाजिक सञ्जालहरूमा प्रकाशन गरेकाले विद्युतीय कारोबार ऐनअन्तर्गको कसुरमा उनलाई पक्राउ गरेको प्रहरीको साइबर ब्यूरोले जनाएको छ ।
नेपाल प्रेस
प्रकाशित: २०७९ असार २१ गते १७:३३
प्रतिक्रिया
सम्बन्धित खवर
